Suzuki Hustler 2 – 18萬有找，11色任揀﹗

提起K-Car「盒仔車」，以前有Toyota BB同Nissan Cube，之後有Honda N-BOX，咁Suzuki的代表一定係Hustler。2代見街，最平$179,800有交易細價易入口，今次玩得好盡有11隻色任揀，擺明係要打入年青一代市場。

汽車市場，特別係實用性用家都好睇內籠。四座位的Hustler內籠算不過不失，座椅可根據需要摺合平放，方便存放各種尺寸的用品，更有多個儲物空間分佈於車廂中，比以往更高的車廂內籠，份外適合喜愛戶外活動的好動一族。講到內飾走型格路線，膠味係重但走後生仔路線，太LUXURY反而覺得你老套。

性能方面，658cc 三汽缸雙凸輪軸十二氣閥渦輪增壓、CVT 無段變速自動波箱、64 匹，力水話夠就呃你，不過都係嗰句城市代步車，最緊要夠chill，要馬力去買GTR啦。