大家近期行過勞力士的勞力士特約零售商（AD），可能會發現門口有人排隊的「奇景」，又見到櫥窗有大量熱門款，難度勞力士返大貨人人有份？

稍為有經驗的的表友都知道，今時今日要正價買到勞力士根本是不可能的事，要買熱門款除了要先「食骨」（購買一定價值的非熱門貨品，主要係帝陀、又或者係其他珠寶首飾），另外一個途徑就係硬食炒價。

有相熟的AD朋友透露，疫情期間很多勞力士AD出現接近真空的情況，個別AD甚至連一隻表都無，有顧客甚至寫信去勞力士總部投訴。所以勞力士香港的AD在二月一日開始，會在櫥窗「展示」熱門款式，每隻表旁邊都有一個「僅供展覽」的鐵牌，簡單即係有得睇冇得買。

經過參觀一下當然賞心悅目，但排隊、留名是沒有意義的，不要浪費時間，個別款式超公價幾倍，你覺得可以公價買到？那只能說你太天真。另外，也不要再信網上消息就某某AD有現貨，先到先得的惡作劇，貪字最後只會變成貧。