[潮文]「釣狗公」2.0，竟然釣到689 !!!

是咁的，高登仔近幾年好鍾意玩一個叫做「釣狗公」的遊戲。男user在google是旦找張性感美女圖片做profile pic，然後在skout又或者微信等手機app開個女性帳號，然後等「狗公」上釣，用盡挑逗語句引誘「狗公」，甜言蜜語、要求約炮應有盡有目不暇給。唔知因為香港「狗公」太多，還是香港男人識食，呢個遊戲萬試萬靈，總有幾個性餓渴的「狗公」上釣，將自己的玉照裸照傳給「美女」，結果當然是被cap圖公諸同好，被人恥笑直到永遠。

「釣狗公」遊戲近日又再進化，網友的目標更不再局限於性飢渴的「狗公」，開設了一個名為「支持梁振英」的專頁，主動要求方丈加入。其實稍為用一用腦，睇睇個群組介紹都知道有伏︰

我們全力支持梁振英! 打倒黃屍，為國家出一分力! 
在梁振英英明領導下，十年後香港徹底赤化不是夢!

但方丈的臉書管理員唔知係真低B定假弱智，見到有人支持主子即時狗衝加入「自high」，成功上釣。

「釣狗公」2.0遊戲當然唔會要求方丈同管理員當然唔會傳裸照啦，係更。加。陰。毒將方丈加入做管理員，經傳媒報導方丈變成自high中的極品，俾網民笑到面黃。有網友知道方丈同管理員極有可能會賴「黑客」盜取facebook帳號以求脫身，但聰明的網友已著先機，率先在群組內「聲討」黑客，並要求特首辨報警處理。

本來笑一日半日就算，點知忽然又出現一個方丈要求不做管理員的status︰

從沒有擔任群組管理員的意圖，請移除設定。謝謝。

求求你啦大哥，未見過steve jobs都知道自己quit group咪得囉，點解又要出醜多一次，堅係柒到核爆。江湖傳聞方丈一朝早打晒鑼要搵出版主是誰，究竟是真心定假意，都市傳說仲話有人傳電郵去問臉書點樣可以唔做管理員，大把人買定十斤花生特登唔出聲等睇戲，笑到gap gap聲。

文︰曹厚仁