PlayStation 5將於11月19日推出，香港預訂情況熱烈，各區遊戲店出現排隊人龍，有長者、有菲傭又有大媽當然仲有南亞排隊黨，依家先知原來香港咁多人鍾意打機。

香港人由炒IPhone到炒波鞋乜都炒，PS5都唔會例外，綜合各大買賣區的價格，炒賣價由$7000至$10000不等，標榜「首批攞機」早買早享受，但凡相信很少香港人會咁笨實，用一倍價錢去買。

炒唔炒得起唔知，但係內地機迷經過SWITCH一役後，已表明PS 5不會再買「國行」轉買「港行」，原因是甚麼大家應該心中有數。所以香港人唔笨實仲會有很多人唔介意價錢……畢竟有錢便任性。

但內地部門朋友透露，每逢有新手機、新遊戲機推出，海關檢查會嚴100倍，如果打算帶過關轉售或者寄貨，分分鐘「人機合一」入房打稅，在此祝你好運。更重要係封關中，收機佬都落唔到香港，中間人個價唔會好，留翻先用啦，C HING。